Në vigjilje të Festave të Nëntorit, dje, e shtunë, 18 nëntor 2023, në Shkup, u mbajt simpoziumi shkencor me temë “Roli i edukimit dhe reformimit në zhvillimin e efikasitetit të individit bashkëkohor”, me panelistët e ftuar:
Prof. dr. Buniamin Memedi
Prof. dr. Rabije Murati
Prof. dr. Naser Ramadani
Prof. dr. Qufli Osmani, dhe
Dr. Agim Baçi
Panelistët në këtë simpozium u paraqitën me trajtesat e tyre shkencore, edhe atë:
Prof. dr. Rabije Murati, me temën “Nevoja e reformave në sistemin edukativo-arsimor”,
Prof. dr. Buniamin Memedi, me temën “Sistemi edukativ mes përvojës së kaluar dhe sfidave bashkëkohore”,
Prof. Dr. Qufli Osmani, me temën “Harmonizimi i sistemit edukativo-arsimor vendor me vendet e BE-së”,
Prof. dr. Naser Ramadani, me temën “Edukimi aktual përballë aspektit vleror”, dhe
Dr. Agim Baçi, me temën “Zhvillimi i efikasitetit të muslimanit bashkëkohor – konteksti shqiptar”.
Këtë organizim me prezencën e tyre e begatuan edhe pjesëmarrës nga fusha të ndryshme, të cilët e ndoqën simpoziumin dhe me pyetjet dhe diskutimet e tyre e pasuruan edhe më shumë këtë aktivitet.
Në fjalimin e tij, kryetari i Fondacionit AXIS, z. Rufat Sherifi, tha se nëpërmjet këtij aktiviteti Fondacioni AXIS synon të jep një kontribut modest në senzibilizim e shoqërisë për një arsimim më cilësor dhe edukim të mirëfilltë, duke shpresuar që kjo të shërbejë si thirrje drejt të gjithë atyre që bartin pozita në institucione shtetërore, arsimore, kulturore dhe të tjera, për angazhim maksimal drejt përmirësimit të situatës në të cilën jemi, drejt një arsimimi dhe edukimi të shëndoshë, përmes reformimit të tyre të duhur dhe kuptimplotë, të nevojshëm dhe të dosmosdoshëm për kohën që po jetojmë, në përputhje me vlerat tona pozitive dhe traditat e mira të rrënjosura thellë në qenien dhe shpirtin tonë.
Fondacioni AXIS
Shkup, 19.11.2023
